CHAPTER 30
Kiray’s PoV
“Alex…” sambit ni Mar ni hindi man lang natinag ang kanyang tingin sa asawa ko.
Napauwang na lang ang bibig ko sa pagtataka ano bang nangyayari?
“Ahhm… kilala mo ba ang asawa ko?” nauutal kong tanong kay Mar pero kapwa pa rin silang nakatitig sa isa't isa ni Alex. Hindi nila ako pinapansin. Nagtatagisan pa rin sila ng tingin na para bang may atraso sila sa isa't isa.
“Love, uwi na tayo,” utos ni Alex sa akin, madiin at ma-awtoridad. Hinablot niya pa ang kabilang bisig ko. Parang gusto pa akong kaladkarin palayo kay Mar.
Madiin ko ring binawi ang bisig ko at pati ang boses ko ay tumaas na rin dahil nakaka-inis. Parang ako ang out of place sa kanilang dalawa.
“Tinatanong ko kung kilala mo ba ang asawa ko?” tanong ko kay Mar habang ang mga kamao ko ay nakakuyom
