فصلية الضابط

اذكرمي رفل عمري 20 عام واصله ثالث متوسط بدرجات عاليه وكنت دائماً الاولى وبعض الدروس اعفاء لاكن بطلوني اهلي عدهم م***ع البنت تكمل دراسه وعندي 3 اخوه و3 خوات احمد اخوي اكبر مني بسنتين طالب كليه هندسه معماريه مرحله رابعه عمره 22 عام وجعفر عمره 19 عام بالسادس اعدادي ادبي وياسمين 17 عام مبطله مثلي من الثالث متوسط مخطوبه لابن عمي والباقي صغار ابتدائيه�اني رافضه الزواج كلياً لان اكره الرجال بسبب بابا ومعاملته وض*به لامي�امي يتيمه كلياً مربيته خالته وتزوجت بابا وحرم عليها تزور خالتها الي هيه مثل امها�كان متجاهل امي كلياً ومايهتم لاي شي�عندي عمات 2 وعم واحد والثاني شهيد ع عهد صدام مشايفته ابد متزوج وعنده ولد 3 متزوجين كلهم مستقلين بحياتهم مابيناتنه غير الاعياد والمناسبات�عمتي سميره ممتزوجه عمرها 48 عام�انانيه ومغروره وعدها املاك وفلوس تغطي الشمس�تحكم بابا وكل اهلي وتتصرف ويه امي كاانها خادمه وحتى بلبس ماما ونومهاا تتدخل�بس تعزم وتسوي حفلات مال تفاخر بفلوسها�وامي المسكينه تخدم وبس تبجي يعني تعودت ع **ران امي ومن احجي بابا يض*بني�ك العاده كل يوم نخلص نهارنه طبخ وتنظيف ومنو يجي يصيح ويعيط بينه معاجبهم شي والنفسيه مالتنه تعبانه كلش عدنه فقط اخوي الوسطاني مختلف عن اهلي كلهم يموت ع امي ويعارك ع مودنه ونموت عليه لحنيته �المهم .....جان عد اخوي سفره ويه اصدقاء واني حضرت اله الاكل لان اعرف اطبخ كل شي بدون استثناء �كملت الاكل وخليته اله وراح لسفرته ورجعت انظف والف دولمه النه للغده اني وامي وياسمين تنظف بالبيت...�هلاو اسمي احمد اني عصبي هوايه ومااتحمل بسرعه دمي يفور وعيوني يجدحن نار�عمري 22 عام طالب مرحله رابعه كليه هندسه�كنت متفق ويه جماعتي نروح سفره نغير جو�وفعلاً طلعنه ومتونسين وشقئ وضحك وبنص الطريق تصادمنا ويه سياره ثانيه بس ماتآذينه اجت خفيفه نزلت اني وثنين من جماعتي نشوف شصار طلع ولد من السياره الثانيه وظل بس يغلط ويسب اني حاولت امسك اعصابي بس اجه ودفعني وسب ابويه�هنا فقدت كلش كمت اض*ب بيه نومته ع الارض وخلصت عليه بو**يات واني لاعب رياضه محد يگدرلي �حاولو جماعتي يجروني ماگدرو�لهناك وشفت الولد مايتحرك وخرت عنه�حاولنه نصحيئ مات الولد جواي�ظليت مصدم بمكاني�اجت الشرطه واخذتنه سجنتنه كلياتنه اني گلتهم محد غيري مسـؤل وثبتت التهمه عليه�طلعوهم واني ظليت�طلبو رقم بابا واتصلو عليه�نرجع للبيت....�بابا جان گاعد يباوع ع التلفاز دگ موبايله حجئ ويه المتصل�شويه وظل بابا يصيح وخبص الدنيا�ردنه نفهم ماكـّو اتصل ع عمامي والبيت نخبص عمتي دخلت عليهم وعرفت كل شي�اجت تغلط وتلطم وگالت احمد قتل ولد وهوه بالسجن والولد اخو ضابد والثاني عقيد وابوهم معروف يعني راح تصير بحر مال دم وكلها تروح بيه�احنه صرنه بس صريخ ولطم�بابا موظف بالنفط ومابيده شي ويه الحكومه�اتصل ع عمامه واجو والبيت مخبوص شي طالع وشي داخل وامي كل شويه يغمئ عليها وياسمين واني بس لطم وبجي�التمو العشيره وراحو لاهل الولد�واهل الولد طردوهم .....�ظل احمد بالسجن واهل الولد مايقبلون بفصل يردون الثار والدم بالدم�تدخلت عشائر ثانيه وبعد 4 ايام قبلو ع گعده للفصل واتفقو يوم الثين �اجه الثنين طلعو بابا وعمي و اخواني ولد عمي واهل بابا كلهم راحو لاهل الولد واحنه مخبوصين بجي ولطم خايفين كلش ع احمد واكيد هسه معذبينه ومدمره حالته��مرت كم ساعه واجو اهلي وابوي مدنگ ومهموم احسه من**ر�سئلنه محد يجاوب والكل ايده ع خده لو مغطي وجهه�هنا علسنه من الخوف اكيد صاير شي يخوف ومايحجون �ظلينه نتوسل بعمتي تسئلهم همه يجاوبونها بسرعه لان اكبر منهم�راحت عمتي وسئلت ابوي اباوعله ماگدر يحجي�سئلت عمي وعمي جاوبها�كلها طلبو 80 مليون وفصليه�انصدمنا كلنه 80 مليون هواي منين نجيبهن عمتي گالت أني انطيهن معليكم بالفلوس هيه تشتغل بالذهب والاقصاد وال*قارات من زمان كلش ومحد يتدخل بيها ابد يخافون من ل**نها لان سيف حاد�المهم اني انصدمت وفصليه منو اكيد ياانا يااياسمين وياسمين عاقدين هيه وابن عمي فهمت راح اطيح بيها�گبل اغمئ عليه�گامو يرشون عليه ماي وگعدت باوعتلهم ظليت اصرخ والطم ع وجهي واتوسل�بابا فدوه لاتگول اني الفصليه�بابا فدوه يموتوني�لج ماما احجي�ظليت اهستر�ڮال بابا مابيدي شي بعد ابوج لو ترفعين راسي وتسدين بحر الدم لو تصير حرب مالها اخر واخوانج وابوج ينقتلون�اني هنا حالتي حاله سكتت مصدومه يعني انا الفصليه واردد ويه نفسي يعني راح انذل وانا عبالي ارتاح من هم اهلي بالزواج�صرخت ليش هيج ربي�گالت امي استغفري ربح يوم وهيه شابگتني�وميته بجي وتصيح لو بنتي لو ولدي كلهم شسوي ياماما فهميني وهيه تبجي بشهگه�**رت خاطري حييل�رحت توضيت وصليت ودعيت ربي يخلص كل شي سلامات�طلعت لبابا وگتله موافقه دنگو اخواني ب**ره�وابوي باس راسي وگال الخميس نوديج جهزي نفسج�مرت الايام لااكل ولاحجي ويه احد گوه امي تشربني حليب حتئ ماطيح من الجوع�اجه الخ ميس وجنت حيل مهمومه مااشتريت شي ولاطلعت للسوگ�بس امي جهزتني منها وعمتي محضرتلي جنطتين ملابس ومكياج وبابا جابلي طقم ذهب ويه الذهب العندي�شفتهن بس مالي خلگ شي بودي اصدگ هاذ حلم وهسه اگعد منه بس هاذ مو حلم هاي حقيقه وب*عه هواي...�يتبع..