Chapter 21
Problema
Madilim ang mga pares ng mga mata ni Itang habang palipat-lipat ang titig sa amin ni Justice. Bigka akong kinilabutan sa mapanganib niyang mga titig. Damang-dama ko ang pangangatog ng aking mga tuhod. Bakit ganito? Bakit ganito ang reaksyon ni Itang.
"I-Itang, nandiyan na po pala kayo," may takot sa aking boses. Nakatingin ako sa kaniya ngunit ang mga mata niya ay nakatuon lamang kay Justice.
Kakaibang takot ang lumulukob sa aking sistema. Hindi ko mabasa ang mga mata ni Itang, ngayon, kaya mas lalo akong kinakabahan. Ano ba ang nasa kaniyang isip?
"Pumasok ka sa loob," wika niya sa ilalim ng kaniyang paghinga. Para bang pinipigilan niyang magalit, pero, saan siya nagagalit?
"I-Itang, bakit po---"
"Sinabi nang pumasok ka sa loob!" pigil-sigaw niyang wika sa akin
