Chapter 17
Order
Hindi ko tuloy alam kung paano makakatakas kay Justice, ngayon. Binilinan niya ako na ako'y kaniyang susunduin galing klase sa uwian. Hindi ko malaman kung bakit talaga hindi ako magaling pagdating sa mga dahilan. Ang laki tuloy ng problema ko.
Kanina nga noong breaktime namin, nagulat na lamang ako nang naroon na siya sa labas ng aming silid-aralan! Nakasandig siya roon at mukhang may hinihintay. Napayuko na lamang ako at nagkunwaring hindi siya nakita. Ngunit mas nagulat pa ako nang mahuli niya ako at walang pasubaling hinigit ang aking pala-pulsuhan upang sumabay sa kaniyang kumain!
Halos gusto ko nang kainin ng lupa sa kadalihanang masyado naming nakukuha ang atensyon ng lahat. Hindi ko alam kung ano'ng mangyayari gayong anak din ito ng Mayor ng aming bayan. Hindi
