Chapter 18
Freedom
Natapos ko ang schedule ko ngayong araw, kahit papaano. Hindi ako makapaniwala sa aking sarili na nagawa ko pa iyon, sa kabila ng mga nakita at ipinalasap sa akin ni Justice.
Ang masakit? Hindi ko magawang magalit sa kaniya. Dahil alam kong responsibilidad ko siya. Responsibilidad ko ang nangyari sa kaniya ngayon. Ako ang dahilan ng mga galit sa mga mata niya. Ako ang dahilan ng pagbabago niya.
Ngunit, hindi ko rin papalampasin ang ginawa niya. Higit kanino pa man, si Ma'am Elle ang higit na masasaktan dito, kapag nalaman niya, na nambabae na naman si Justice.
Alas once na nang mag-out ako. Hindi pa rin nababawasan ang dami ng mga tao na nagtutungo sa Core nang ako'y umalis.
"Donita..." ang tawag sa akin ni Cesar nang papalabas na ako sa Core. Naroon ang pag-aalala
