-----
***Arabella's POV***
-
Dalawang araw nanatili si Eryiel sa ospital, at sa loob ng panahong iyon, todo ang pagsisinungaling ko kay Tito Salve upang hindi niya matuklasan ang lihim ni Eryiel.
Tahimik lamang si Eryiel nang makarating kami sa bahay. Ako ang sumundo sa kanya mula sa ospital dahil hindi siya maaaring ihatid ni Gary—baka kasi makita sila ni Tito Salve. Kahit pa sabihin nating nasa kompanya naman si Tito Salve sa mga oras na ito, hindi pa rin kami maaaring maging kampante.
Ngayong araw din ito ang huling araw ko sa bahay na ito. Lilipat na ako sa condominium na inihanda ni Harold para sa akin. Nakapagpaalam na ako kay Tito Salve, ngunit hindi siya tumugon. Ramdam ko ang bigat ng loob niya sa naging desisyon ko. Samantala, tinawagan ko rin si Tita Andrea. Sa susunod na a
