chapter eight
Troy Mercado
Araw ng Linggo at wala kaming mga pasok. Kauuwi lang naming lahat galing simbahan at dito nalang sa bahay naisipang manatili kaysa mamasyal sa mga malls. Dito sa bahay namin naisipang igugol ang buong oras namin. May punto at tama naman kasi ang katwiran ni Mama. Anim na araw sa isang linggo kung mawala kami dito sa bahay dahil pumapasok kami at kadalasan, gabi pa kami kung umuwi. Tapos sa isang araw na natitira ay aalis pa kami para mamasyal sa kung saan. Ayaw kasi ni Mama na nagiging uwian nalang namin itong bahay. Dadating kami mula sa school o kaya sa opisina, kakain saglit pagkatapos ay pupunta na kami sa mga kwarto namin para matulog. Kinabukasan, ganoon pa rin at mauulit nalang sa ibang araw. Ang gustong mangyari ni Mama ay paglaanan namin ng oras ang pa
