SA UNANG pagkakataon ay napilitan si Emily na bisitahin ang Friendbook profile ng kapatid. Nagbabakasakali siyang makikita roon ang account ng lalaking laman ng kanyang isip at puso.
Matthew ang pangalang ipinakilala nito nang minsang magkausap sila. Pero wala pa siyang ideya kung ano ang apelyido nito kaya iyon ang hahanapin niya.
Sa friends list ni Lauren, nakakita siya ng isang account na may pangalang Matthew Anderson. Pagsilip sa profile nito, mabilis na gumuhit ang ngiti ng tagumpay sa anyo niya. Confirmed, ito na nga ang lalaking hinahanap niya.
Halos mabaliw siya sa tuwa habang pinagmamasdan ang profile picture nitong naka-side view sa isang gym, nakaitim na sando at may hawak na dumbbell. Ang lakas talaga ng dating nito kahit sa litrato pa lang. Nagdulot ito ng deliryo sa kanya
