Alexander Cabrera’s PoV
Tinanguan namin sina Kenji at Jake na kasama nina Allison at Keiko.
“Baby Allison, ‘wag kang mag-alala. Mag-iingat ako para hindi ka umiyak.” Nakangising sabi ko kay Allison kaya inirapan niya ako.
Taray talaga nito sa mga pogi. Minsan talaga ang sarap din kutusan e, tas chokeslam sabay RKO ni Randy Orton.
Kinalabit na ko nina Warren para sumunod sa kanila. May naging plano na kami. Ako, si Warren, Gian at Gino ay dadaan sa may exit nitong cinema. Magpapahabol kami sa mga zombies para hindi na nila mapalibutan ‘yung minivan, kapag wala nang zombie ay saka papasok sila sa loob at magmamaneho ang kunwaring marunong na si Kenji.
Tapos. .
“Hala, paano kami?” Bigla kong tanong dahil naisip ko kung anong mangyayari sa’min apat nina Gino kapag hinabol na kami ng mga
