"Kuya? Ay, Sir! Kailan ka.pa dumating?" gulat na tanong ni Alex pagkapasok sa opisina ng binata. Halos mapatalon siya nang makita itong nakaupo na sa kaniyang swivel chair, pormal at tila walang balak magbiro.
"Kagabi lang," maikli at walang emosyong sagot ni Ace. Hindi man lang ito nag-angat ng tingin mula sa mga papeles na kaniyang binabasa. Ang boses nito ay parang yelong dumaan sa pandinig ni Alex—malamig at nakakapanginig.
Gusto sanang itanong ni Alex kung nahanap ba nito si Gabbie o kung nagkausap ba sila, subalit tila may nakabara sa kaniyang lalamunan. Inabot siya ng matinding hiya at kaba. Ang Ace na nasa harap niya ngayon ay hindi ang pinsan na pwedeng biruin; siya na ang "maawtoridad" na boss na tila handang manunog sa isang tingin lang.
"Anong gagawin natin para mahuli an
