Medyo masakit ang ulo, nahihilo at medyo hirap sa paghinga, iyon ang bumungad kay Amber nang magising. Nanlalata rin ang kaniyang buong katawan, ngunit hindi na siya nagtataka pa dahil halos isang buwan na siyang nagigising na ganoon ang nararamdaman niya. Kaya nga tinatamad siyang bumangon sa umaga dahil pakiramdam niya, lagi siyang may karga-karga.
Nagpalit siya ng posisyon at humarap sa kabilang side nang kama para lang matigilan. Naaninag niya ang lalaking nakasandal sa headboard ng kama, natatakpan ng kumot ang kalahating katawan nito at ang kalahati naman, sa may itaas na bahagi ay nakalantad.
Kumurap-kurap siya hanggang sa unti-unting lumilinaw sa paningin niya ang bulto nito. Iginala niya ang paningin sa paligid at lalong nangunot ang noo nang matantong gabi pa pala. Nakita niya
