Nilamon ng katahimikan ang buong byahe. Mula nang ma-discharge sa hospital si Amber hanggang sa makauwi sila ng village ay nanatiling tikom ang kaniyang bibig.
Panay ang sulyap sa kaniya ni Tope, gusto siyang kausapin pero dahil sa pag-aagaw ng hiya at guilt ay hindi nito magawa.
Naipasok na sa garage ang sasakyan nila pagkarating ng bahay, nakalas na rin nito ang suot nitong seatbelt ngunit siya ay nanatili pa ring tulala.
"Amber," pukaw nito sa kaniya, may pag-aalala na sa mukha.
Hindi siya kumibo, ni hindi ito tinapunan ng sulyap.
Bumuntong-hininga si Tope at inilapit ang sarili para kusang alisin ang kaniyang seatbelt.
"Naalala mo pa ba kung paano mo 'ko tinuruan noon?" biglang aniya na nagpahinto sa ginagawa nito.
Nag-angat ito ng tingin sa kaniya na dahan-dahan naman niyang s
