"Good morning!"
Muntik nang mapatalon sa gulat si Amber. Paano ba naman kasi, pagkabukas niya ng pinto ng silid ay agad siyang sinalubong ni Felix ng mahigpit na yakap. Mabuti na lang at tapos na siyang maligo, kundi ay maaamoy nito ang kaniyang panis na laway. Nakakahiya naman sa lalaking palaging mabango.
"M-morning din."
Ibinaling niya ang tingin sa paligid ng hallway, may isang tao siyang hinahanap. Bagaman ayaw niya itong makaharap dahil sa nangyari kagabi ay gusto naman niya itong makita. Nasaan na nga kaya ito? Nagtatampo pa naman ngayon ang kaniyang puso dahil wala na naman siyang nabungarang mga bulaklak sa side table pagkagising niya.
Nasanay na yata siya na every morning ay may nakahandang naggagandahang bulaklak sa tabi niya. Posible kayang nagsisi si Hunter sa ginawa nit
