Madilim ang mukha ni Hunter, ang mga mata ay nagkikislapan na parang munting kudlit ng matalim na kidlat habang ang kamao nito ay namutla na sa pagkakakuyom.
"Boss!" Ngumisi si Felix na lalong ikinainis ni Hunter.
Gusto nitong manapak ng bunganga pero nagpigil ito at sa halip ay tumalikod na lang ito paalis bago pa man ito mawalan ng kontrol sa sarili.
Patakbo itong hinabol ni Amber. Sa likod naman niya ay patuloy sa pagtawag si Felix pero hindi niya ito pinapansin
Bigla na lang kasi siyang nataranta sa nakikitang galit sa mga mata ni Hunter.
Nakita niyang pumanhik si Hunter patungo sa ikalawang palapag. Hindi man lang siya nito nilingon. Patuloy naman niya itong hinabol hanggang sa kanilang kwarto.
"Hunter! Sandali!" Hindi niya talaga maintindihan ang sarili kung bakit siya kinakab
