بت الجيران2?

.*بت الجيران2?* *#بقلمي سارة بشرى?️* _1_ الساعه3 ص نايمين بهدوء فجااءه التلفون دقا ردا وهو نعسان ولسه ما مصحصح : كرم ايلاف بتولد كرم قال ليهو امم وقفل الخط عائشه صحت مع صوت التلفون عائشه: خير منو المتصل كرم بقا يدعك في عيونو كرم: دا مروان قال قاعد يولد عائشه قامت مخلوعه وض*بتو عائشه: ياحيوان دي ايلاااف قوم بسرررعه كرم قام مخلوع وعاين ليهاا كرم: مالك عائشه: مروان قعد يولد ياااخ قصدي ايلاف بتووولد كرم بقا يحك في راسو ولاافي في الغرفه عائشه وقفت قدامو وعاينت ليه عائشه: حسستني انت البتولد ياااخ يلا خلينا نطلع نحصللهم وارجع لمروان اسألو في اي مستشفى كرم ض*ب لمروان عرف اسم المستشفى غيرو وطلعو لاقو ام كرم في الصالون رغده: خير مالكم كرم: ايلاف قعد تولد لازم نمشي ليها امي خلي بالك من الولد ونحنا حنرجع رغده: يحلليلها اول ولد ليها صح عائشه: اي صح رغده: ربناا يحلها بالسلااامة طيب امشوو كرم وعائشه طلعو مشو المستشفى لقو مروان قاعد متوتر ومعاهو اهل ايلااف سلمو علليهم وكرم قعد جنب مروان كرم: ربناا يحلها بالسلااامة ما تخااف حتبقى اب مروان: ان شااءالله انت يا حيوان اقول ليك ايلاف بتولد تقول لي تمام وتقفلل الخط كرم: كنتا ناايم يااخ ليس على النائم حرج مروان: مش كان المريض متين بقا النايم؟؟ كرم: اسي داا انا عملتو الناائم? شوية والدكتورة طلعت قالت ليهو مب**ك بت مروان لمن سمعها قالت بت يااخ فرح فرح بقا يسألها بالجد بت انا بقيت اب لبت عليك الله بت ? وبقا يردد الحمدلله الحمدلله الدكتورة قالت انو الام والبت صحتهم عال العال وشوية وايلاف حتصحى وبعدين حيجيبو البت كرم حضن مروان وبارك ليهو واهل ايلاف امها واخوانها كللهم انبسطو بولادة بتهم ? ???????????????????????? ايلاف صحت لقت مروان بلاعب في البت ايلاف: بت ولا ولد مروان: احساسك بيقول ليك شنو ايلاف: بدون احساس فرحتك دي بتقول لي انو بت مروان: واحلى بت كمااان بتشبه ابوها نسخه من مروان عاادل ايلاف: والله كذاب كذب جيب لي بتي اشووفهاا مروان شال بتو برااحه اذن ليهاا بعدين جابها لايلااف سموها ليااان? بعد يومين خرجو ايلاف من المستشفى مع بتهاا ومروان وصلها لبيت اهلهاا قالت عايزه تقعد هناك لغاية ال40 مروان خلاها هناك ومشا بيت ناس كرم طبعا هم طلعو من بيتهم وجو يقعدو كم يوم مع اهل كرم ومروان عشان ما يقعد براهو طالما امو واختو رجعو **لاا جا وقعد في بيت ناس كرم ???????????????????????? سمير واسمهااان عندهم بت اسمها لياالي سمير بحبهاا اكتر من اي شي لانها بتو ولانها شايله اسم امو سمير: اهللين مروان نوورتا مروان: ابو سمره عفواا اقصد ابو لياالي على فكره بتك دي انا حجزتها لولدي الجااي من اسي سمير: طواالي نحن لاقينو وين مروان مشا لكرم اسمهان: نفسي اعرف الاسمو مروان دا ماعندو بيت يعني كل فتره جاي مكرهنا بيتناا مالو؟؟ سمير: عاادي ياخ هو ولد البيت مافي فرق بينو وبين كرم في العائلة هو فرد مننا اسمهان: بالله؟ طيب خلي يجيب بطاقتو الشخصيه ونسجلو في دفتر العائلة رأيك شنوو سمير عاين ليهاا وسكت اسمهان: لا وكمااان بيقول حاجز بتي لولدو لسه بتو ما ليها يومين من وقت اتولدت وبيفكر يعرس بتي لواحد ما موجود في الدنياا اصلااا انسان غريب سمير: اسمهاان ما تقولي كداا ربنا كريم واكييد حيرزقو بالولد وان شاااءالله بعرس ليهو بتي اسمهاان: ربنا يسهلل لوقتهاا اسمهاان مشت وسمير هزا راسو وسكت ............ رأفت جا دااخل لقا رغده بتقرا في كتااب رغده: مرو يومين من ولادة ايلاف وانا للان ما حمدلتا ليها رأفت: بكرا ان شااءالله كلنا نتجهز ونمشي ليهاا رغده:تمام ???????????????? عائشه قاعده مع ولدها وبتردد ليهو كلمة: ماما كرم جا عاين ليهاا كرم: بتعملي في شنو عائشه: بدرب ولدي انو يقول ماماا كرم ضحك كرم: مافي داعي تعبي نفسك لانو حيقول ابوي بلاول لانها كلمه خفيفه وبعدين مالك عايزه تعملي لي ولدي ولد ميكي شنو ماما وبابا لازم يقول امي ابوي او عائشه: اسكت يا كرم الام اتذكرت ثلاثه مراات واسم الام اخفا واكييد ولدي حيناااديني انا اووول ما انت كرم: عائشه اهلك غشوني عائشه: غشوك كيف يعني غشوك كرم: اهلك ما وروني قبل ما نتزوج انو بتهم ما قام ليها ضرس العقلل عائشه ض*بتو بالمخده عائشه: كرم انت كريه ياااخ كيف بتقول لي كداا شايفني شافعه قدامك انت عارف عمري كم حالياا كرم: يعني 23 او 24 تقريباا عائشه: تقريبااا تقريباا يا كرم حتى ما متاااكد من عمرري ياااخ طللقني هووي اوعك تطللقني ما تصددق كرم: انا بتراجع عن كلامي انتي عمرك 3 او 4 سنه عائشه شالت ولدها ومشت وتاني جات راجعه عائشه: نحنا اسي اتشاكلنا ليه؟ كرم: والله يا عائشه انا ما شاكلتك ولا عمري حاشاكلك بس انتي بقيتي زعوولة بتزعلي سريع عائشه عاينت ليهو وسكتت .......... في الصباح كللهم اتجهزو ومشو على بيت ناس ايلااف عشان يحمدلو ليها السلامة دخلو سلمت عليهم بهجه ام ايلاف وضيفتهم وبعدين رغده واسمهان وعائشه مشو لايلاف وشاافو البت سلمو علليها وبعدين رغده ورأفت وسمير واسمهان طللعو فضلو كرم وعائشه ومعاهم ولدهم عائشه:حلااتها ماشااءالله كرم:بتشبه ابوهاا مروان:مش عليك الله انا وريتها ما صدقتني ايلاف:ما شايف لون عيونها وشعرهاا دي نسخه مصغره من امهاا عائشه:والله كلكم ما عندكم موضوع البت ملامحها زي الناس ما ظهرت كل واحد بيقول بتشبهني مروان:عاقله انتي يا عائشه عشان كدا حاسس ولدك حيطلع ليك عائشه:اكييد طبعاا قعدو معاهم شوية يتونسو ويضحكو بعدين كرم وعائشه طلعو راجعين البيت كرم وقف قصاد مطعم كرم:انا جيعاان تعاالي ناكل عائشه:طيب كرم:عاجبني منظرنا كدا كعائلة يلااا نزلو دخلو المطعم كرم طلب الاكلل وقعدو شوية وجو بنات سلمو على كرم :كرم ما مصدقين اننا شايفنك قدامناا طوولنا منك شدييد لمن نسيناا شكلك :مالك بقيت ماقعد تجي تسهر كرم عاين لعائشه ورفع ليهم يدو الشمال واشر ليهم على الدبله كرم:شكلو الخبر ما وصلكم انا اتزوجتاا وعندي ولد كمان ولي سنه ونص :يعني تاني ما حنشوفك يا كروم"قالتا بمياعه كداا" عائشه ض*بت ليها التربيزه ووقفت عائشه:لا حبيبتي ما حتشوفي عايزه بشوفتو شنو موضوع السهرات والنوادي داا انتهيناا منوو زماااان :رووقي يابت ماقصدي شي كرم قام شال الطلب سفري وطلعو عائشه:انت كيف بترد ليهم من اول ما جو حقوو توقفهم عند حدهم وتخليهم يمشو بس لااا ساكت وخاليهم يتكلمو ويتمايعو زي الكأني ما قااعده في حاجه اسمها احترام يا كرم كرم:منو القلل من احترامك مما جو وريتهم انو متزوج عائشه:بس ما مشو فضلو قااعدين ما اتحركو من مكانهم وانت ما سألتهم انت حاليا ما لازم يكون في حياتك غير مرتك واحترامهاا كرم:عائشه طيب اهدي يمكن انا غللطتا معلليش ما حتتكرر روقي انتي وما تعصبي عايني حتى مروان نام وبسبب الصريخ حيصحى اهدي ???????????????????????? مروان قاعد مع ايلاف بيهزز في بتو فجااءه بقا يضحك ايلاف:خيرر من الفرحه جنيت ولا مالك مروان:لا بس اتذكرتا زمان انا وكرم كان عندنا اصحاب كتااار بس افترقنا بسبب الزواج والعلاقات الطويلة انا وكرم كنا بنضحك فيهم وعان ديلل خلاص بقو مسؤولين وحريتهم اتقيدت وبقو ما بقدرو يتنفسو وعندهم مسؤولية مره وبيت وامور كتييره اسي بضحك لانو الشي الكنتا بضحك عليهو زمان لمن عملوهو اصحابي اسي حصل معااي نفسو سبحان مغير الاحوال من حاال الى حال ايلاف ضحكت تلفون مروان ض*ب دي امو ردا ليها سلم علليهاا نعمه:مروان نتائج التقديم للجامعات طلعت وداليا بت خالتك شالوها الخرطوم صيدله وانت بتعرف انو اهلنا كلهم في **لاا هناا وما بنضمن الداخليات فممكن تخلليها تقعد معااك مروان:ماشااءالله دالي بقت بت جامعه طيب تمام بعدين وريني حتجي متين والتفاصيل عشان استقبلهاا نعمه:طيب بعدين سلمت على ايلاف وباركت ليها وقفللت مروان:ايلاف داليا بت خالتي قبلوها في جامعة الخرطوم وانا ما قدرتا ارفض انو تجي تقعد معاناا ايلاف:ما مشكله يا مروان عملتا الصح بت اهلك شي طبيعي تقعد معاانا مروان:شكراا ايلاف:ولو وبالمنااسبه الموقف دا ذكرني بحاجه اوريك مروان:لا ما توريني ما عايز اعرف لاني عارفك اتذكرتي شنو بس الموقف داك انتي كل ما تتذكري بتنبسطي واناا بتحرج اسي ود عمتك كل ما يلاقيني بيضحك ما عاارفو هو كل ما يشوفني بتذكر الموقف ولا مالو ايلاف:بس بالجد كان موقف بيضحك لا وكمااان لمن مشررط قميصك وجاي يا قاتل يا مقتول ? وبقت تضحك ??????? رأفت طلع من البيت مشا المستشفى وعمل فحوصااات الدكتور:ظهر ليك سكري شكلك بتجهد في نفسك ومضغوط شدييد حاول انك ترتااح وما تزعل ولا تعصب وخلي دواء الانسولين طبيعي جنبك والاكل اهم شي لازم تتغزى وبعيد ليك تاااني ما تزعلل وياريت تكلم اهللك بالموضوع ما عايزين تحصل معاك كومة سكري مفاجااءه خاصة انك عايش بكلية واحده الموضوع خطير شوية رأفت:حااضر يا دكتوور رأفت طلع من المستشفى ومشا البيت ........... عائشه وكرم وصلو وعائشه نيمت ولدهاا عائشه:كرم كرم:اممم عائشه:انا اسفه بعرف اني بالغتا في ردة فعللي سامحني وبوعدك ما تتكرر بعرف اني الفتره دي بقيت عصبيه شوية بس ما حتتكرر تاني ان شااءالله كرم ابتسم ليهاا كرم:انا كماان غلطتاا معاك حق ما كان لازم اتجاوب معاهم وانتي معااي انتي كمان سامحيني وما حتتكرر وانتي ما عصبيه ابداا وبعدين بتقدري تتعصبي فيني زي ما عايزه انا بحبك في كل حالاتك عائشه:على الاقل قلتها لي بالعربي مع انها بالتركي احلى كرم:Seni Seviyourm? يتبع....