--------
***Azalea’s POV***
-
“Mommy, Daddy, wala naman pong masamang nangyari sa akin kaya huwag na po kayong magreklamo sa mga pulis tungkol sa ginawa ni Tita Seraine. Oo, kinidnap niya kami ni Rafa, pero mabait naman siya. Hindi po niya ako sinaktan kahit kurot lang sa kamay. Sa totoo lang, naaawa ako sa kanya. Ginawa lang naman niya 'yon para makasama si Rafa. Gusto lang niyang makasama ang anak niya.”
Iyon ang sabi ni Yzari sa amin ni Yashir nang nakalapit na siya sa amin. Nagsumamo ang tinig at titig niya sa amin ng ama niya.
Kanina lamang ay halos mabaliw ako sa sobrang pag-aalala nang iulat ng isa sa mga tauhan namin na nakita raw nitong isinakay sa isang itim na van sina Rafa at Yzari ng ilang hindi pa nakikilalang mga tao. Ang unang pumasok sa isip ko ay isang bagong kalaban
