MULA pa kaninang lumabas ako sa rito sa likod bahay, kung saan ginaganap ang selebrasyon ng birthday ni Papa ay nararamdaman ko na ang mga panakaw na tingin sa akin ni Aki, kapag walang nakakapansin dito.
Hindi na natuloy ang sinabi nito kanina na babalikan ako sa kusina dahil nagkayayaan na ang mga kasama nito na mag-inuman sa likod nga ng aming bahay. Sa ilalim mismo ng puno ng mangga, kung saan naroon ang tree house na paboritong tambayan nina Aki at Papa. Kaya't gustuhin man nito, ay hindi nito matakasan ang mga nagkakasiyahang kaibigan. Lalo pa nga at mayroon na namang isang linta na panay ang dikit dito. Para bang bawat kilos ni Aki, at palagi na lamang itong nakabantay.
Nakita ko na ang sinasabi ni Nanay kanina na Coreen, na lagi nga raw nakadikit kay Aki. At tama nga ito. Kulang
