MALAPAD ang ngiti na lumabas ako mula sa elevator, dala ang food container na naglalaman ng mainit-init pang sinigang, na ayon kay Nanay Sally ay paborito raw na pagkain ni Aki.
Yes, Aki na lang ang tawag ko kay Ninong ngayon.
Mula nang maganap ang mga tagpo sa amin sa yate, na pag-aari niya, ay marami na ang nagbago sa pagitan naming dalawa.
Una na roon ang hindi na pagtawag sa kanya ng ninong, kapag kami lang dalawa. Minsan akong nadulas at tinawag ko siyang ninong, isang linggo yata, na hindi siya nagpakita sa akin. Kahit text, o video chat, ay hindi niya ako sinasagot.
Isa pa, ay hindi na rin siya sa mansyon nakatira.
Noong una niyang sabihin sa akin ang balak niya ay nagpahayag pa ako ng matinding pagtutol.
Kung kailan naman nagkakaintindihan na kami, at saka naman siya aalis, a
