"SAAN BA KASI TAYO PUPUNTA?" Kanina pa ako tanong nang tanong dito kung saan kami pupunta, pero panay ngiti lang ang isinasagot nito sa akin.
Katulad kanina ay nilingon lang ako nito at matipid na nginitian, at saka muling ipinagpatuloy ang pagmamaneho.
"Aki!"
Kagat nito patagilid ang pang-ibabang labi, at napapailing na sandaling sumulyap sa akin bago muling ibinalik ang paningin sa daan.
"Love, relax, okay? Napaka-mainipin mo talaga." Iiling-iling pa ring anito.
"Kanina pa kasi kita tinatanong kung saan tayo pupunta, hindi ka sumasagot..." sikmat ko rito na may kasama pang pag-ingos.
"Kaya nga surprise, Love, 'di ba?" Sarkastikong anito sa akin. "May surprise ba na sinabi kaagad?" Naka-angat pa ang isang kilay na muli nitong lingon sa akin.
"And you know, I hate surprises... right
