"AH, MISS," linga ni Doña Victoria sa kasunod naming saleslady. "Bigyan mo ako ng kulay Violet nito," pagkatapos ay sa akin naman. "How about you, hija? What's your favorite color?"
"Ahm, h-hindi po, 'w-wag na po--"
Ngunit natigil ang balak ko pa sanang pagtanggi nang angatan ako nito ng isang kilay. "Y-yellow po." Sa halip ay wala nang nagawa na sagot ko na lang.
Muling binalingan ng Doña ang salelady na alertong naka-abang sa bawat sabihin nito.
Sino nga ba naman ang hindi? Eh, sa isang tingin pa lang sa Doña, kita na ang awtoridad sa anyo nito. Iyon bang tipong titingnan ka pa lang, dapat may sagot ka nang nakahanda sa tanong na nasa isip pa lamang nito.
Kung hindi mo ito kilala, ay tiyak na mangingimi kang ngitian man lamang ito, sa takot na baka ismiran ka lang pabalik.
Ikalawan
