"LOVE, gising ka na..." gising kong muli sa asawa ko na dinatnan ko pa ring mahimbing na natutulog sa kama ko.
Nang bumangon ako kanina ay ginising ko na ito at sinabihang bumangon na rin siya, at mauuna na akong maligo sa kanya.
"Hmmm..." iyon lang ang nakuha nitong isagot sa akin na hinatak pa ang comforter at itinakip sa mukha.
"Love..." naiinis nang niyugyog ko pa ang balikat nito habang ginigising pa rin.
Hanggat kasi may dilim sa sulok ay wala itong balak na matulog. Sinabi na ngang may appointment kami ngayon sa caterer at sa gagawa ng cake para sa kasal namin, pero ayaw pa ring paawat.
"Ayaw mo ba talagang bumangon?" Hindi ko na itinago ang pagka-inis sa aking tinig nang magsalita. "Sige, matulog ka na lang diyan maghapon. Ipapa-cancel ko na lang ang appointment natin. Or bett
