"AKI!"
Pupungas-pungas pang napabalikwas ako ng bangon nang marinig ko ang mariing singhal ni Brianna, kasabay ng pamamahagis ng isang braso kong nakayakap dito.
"Love?" Disoriented pa ring tanong ko, habang nakatingin dito.
Iritable pa ring bumangon ito, na padarag pang hinawi ang comforter na nakabalot sa katawan nito.
Ibinalot ko iyon kanina rito nang natutulog na ito, sa pag-aalalang baka malamigan ito. Tanging malaking t-shirt lang kasi ang suot nito sa pagtulog. Mula nang lumaki nang masyado ang tiyan nito ay hindi na nito nakaugaliang magsuot ng pang-ibaba, lalo na kapag natutulog. Dahil bukod sa naiinitan daw ito, ay nagrereklamo rin ito sa maya't mayang pag-ihi nito, kaya't palagi daw basa ang shorts, o pajama na suot nito. Kaya't sa kalauanan, ay ipinasyang huwag na lang mags
