KUNOT ANG noo na sinilip ko ang cellphone ko, sa hindi ko na yata mabilang na pagkakataon.
Wala pa ring tawag, o text man lang, na nanggaling kay Aki.
Nasaan na kaya ang taong 'yon?
Ang usapan namin kaninang umaga, pagkahatid niya sa akin sa school, ay susunduin niya ako sa uwian at sasamahan na tingnan ang gown na ipinatahi ko, sa kakilalang modista ng mama niya.
Tinawagan ako ng sekretarya ng modista kahapon, upang ipagbigay-alam na pwede ko nang makita at sukatin ang gown na ipinatahi namin ni Mama noong isang linggo. Sayang lang, at wala si Mama dito para sukatin din ang sa kanya. Sabi naman ng modista, ay wala naman daw kaso iyon. Pwede naman daw na sa mismong araw na pipick-up-in na namin, isukat ni Mama ang sa kanya, at doon na mismo sa araw na iyon i-retouch ang mga kailangan p
