"'PA!"
Kaagad na nag-angat ng tingin si Papa mula sa pagkakayukyok sa mga palad niya patungo sa amin ni Aki na kapwa humahangos na papalapit sa kanya.
Parehong pantulog lang ang suot naming mag-asawa sapagkat ginising lamang kami ng tawag nito kanina at sinabi nga na dinala nito si Mama sa ospital.
Iginiya ako ni Aki na maupo sa tabi nito, habang siya ay nakatayo sa harap naming mag-ama.
"Ano po ang nangyari, 'Pa?"
"Hindi ko rin alam..." sa tingin ko ba ay tumanda ng ilang taon ang hitsura ng papa ko, sa mga oras na ito.
Katulad namin ni Aki ay pantulog lang din ang suot nito at ang sapin sa paa ay ang tsinelas nito na pang-kwarto. Maitim ang paligid ng mga mata nito, at magulong-magulo ang buhok.
"Kagabi bago kami natulog, okay pa naman siya. Panay pa ang kwento niya ng mga nangyar
