"AHHHHHH!" WALA AKONG NATATANDAAN na nakaramdam ako ng ganitong klaseng sakit, sa buong buhay ko. Iyon bang sakit na pakiramdam ko, mahahati ang buong katawan ko. Iyong sakit na, para bang habang hinahagod ko, ay lalong nagtutumining sa pakiramdam ko.
Tigmak ng luha ang mga mata ko, habang hindi ko alam kung ano ba ang una kong hahawakan. Ang tiyan ko ba, o ang balakang ko.
Nasa likod kaming dalawa ni Mama ng sasakyan, habang nasa driver's seat si Aki, at nasa shotgun seat naman si Papa.
Nagpasya naman si Nanay na maiwan na lang sa bahay, at siyang tumao roon. Though, sa lahat, may bakas man ng pag-aalala sa akin, ay ito ang pinaka-kalmado.
Kanina, nang tarantang tinawag ni Mama sina Aki at Papa sa tree house, para sabihing manganganak na ako, at nabutas na nga ang panubigan ko, ay kul
