"LET'S TAKE a shower, first, Love..." anas ni Aki sa ibabaw ng mga labi ko bago muli iyong sakupin ng nakaliliyong halik.
Hindi pa rin ako binibitiwang naglakad ito patungo sa CR habang magkahugpong ang aming mga labi. Mahigpit naman ang kapit ko sa leeg nito at ang pagkakapulupot ng mga binti ko sa kanya baywang. Kung sa takot kong malaglag, na alam na alam ko namang hindi mangyayari dahil hindi iyon pahihintulutan ng asawa ko, o sa pananabik na rin sa mga yakap at halik nito ay hindi ko na napagkuro pa. Ang tanging importante sa mga sandaling ito ay ang sarap na dulot ng pag-iisa ng aming mga labi at dila, at ang pagdadaiti ng aming mga katawan.
Nang makapasok kami sa loob ng CR ay lumapit ito sa harap ng malaking salamin na halos sakupin ang buong pader at ibinaba ako sa vanity counte
