"SIGURADO ka na ba talaga, na gusto mong sumama sa akin, pabalik ng Pilipinas?" Tanong sa akin ni Kael, sa hindi ko na mabilang na pagkakataon.
Mula pa nang ianunsyo ko rito na sasama akong bumalik sa kanya sa Pilipinas, ay hindi na ako nito tinantanan ng katatanong kung sigurado na raw ba ako sa desisyon ko.
Well, kung ako ang tatanungin, parang mas gusto ko na ang buhay namin dito sa Paris. Mas tahimik. At hindi komplikado.
Pero alam ko naman na hindi ako maaaring manatili rito ng habang buhay. May pamilya rin ako na naghihintay na umuwi ako.
Pagkatapos ng graduation namin nina Aria at Kael, ay tinanggap namin ang scholarship na alok ng kompanya nina Kael, dito sa Paris.
Kapwa kami kumuha ni Aria ng Fashion Design, habang Architecture naman ang kay Kael, dahil kailangan nito iyon up
