"I AM SO HAPPY, for the both of you." Sa tingin ko ay teary eyed pa si Doña Victoria nang sabihin iyon, bagaman may malapad na ngiti sa mga labi. "Congratulations, mga anak." Dagdag pa nito, na pinaglipat-lipat ang tila nakangiti rin nitong mga mata, sa aming dalawa ni Aki.
Kimi naman akong ngumiti rito at mahinang sumagot. "Thank you po, Mommy."
Kung kahapon ay kina Mama kami nagpunta para ibalita ang pagdadalang-tao ko, ngayon ay sa mansyon naman.
Ayon kay Aki, ay ang mommy mismo nito ang kumontak sa kanya kagabi upang tanungin kung bakit kami nasa ospital kahapon ng umaga. Mayroon daw umano itong kaibigan na nakakita sa amin sa ospital, at naikwento sa Doña.
Kaya't wala nang ibang napagpilian si Aki kung hindi ang sabihin sa ina nito ang totoo. Kaysa nga naman mag-alala pa ito.
Kaa
