"LOVE, saan ba kasi tayo pupunta?" Sa hindi ko na yata mabilang na pagkakataon, ay kulit kong muli sa asawa ko, habang prente itong nagmamaneho, hawak pa ang isang kamay ko, na paminsan-minsan ay dinala nito sa mga labi niya upang patakan ng masuyong halik.
Naka-angat ang isang kilay na nilingon ako nito at napapailing na muling ibinalik ang tingin sa daan.
Sinamaan ko naman ito ng tingin nang hindi na naman ito kumibo, na ikinatawa nito. Pilit kong itinagtag ang kamay kong hawak nito upang agawin sa kanya ngunit natatawa lang na lalo pa nitong hinigpitan ang kapit doon, at malapad pa rin ang ngisi na inangat muli sa labi nito at mariing kinintalan ng halik.
Napipikon pa ring nakatingin lang ako rito.
Naaaliw namang kumilos ang mga mata nito, kahit pa hindi pumapaling sa akin ang mukha
