"MUNTIK na kayong binabaan ng araw, sa loob ng kwarto, ah." Salubong sa amin ni Papa, sa sarkastikong tinig, pagkakita sa aming magkahawak ang mga kamay na bumababa sa malapad na hagdanan ng bahay. "Ipinaaalala ko lang sa iyo, Dakila, na kailangan mo rin namang pakainin ang anak ko. "Dugtong pa nito, habang pailalim na nakatingin pa rin sa amin.
Nasa sala ito kasama si Mama, at tila sadyang naghihintay sa pagbaba namin. Wala naman ang mag-asawang Don at Doña, pati na rin si Nanay, na sa palagay ko ay nasa silid na inookupa ng mga ito, at namamahinga.
"Hon..." pasimple namang saway ni Mama kay Papa, na pinaikutan pa ito ng mga mata.
Ni hindi naman nagpakita ng pagkatigatig ang asawa ko, at matamis lang na nginitian si Papa. "Kumain na kami." Kagat nito ang pang-ibabang labi, habang nagta
