"SAAN ba kasi tayo pupunta?" Sa hindi ko na mabilang na pagkakataon, ay muli kong tanong kay Aki, habang sige lang ito sa pagmamaneho.
Nang lumabas kami sa bayan ng San Ignacio ay nagsimula na akong magtanong dito. Ngunit kahit na isa ay wala akong nakuhang sagot mula rito.
Katulad nga ng sinabi nito sa text kanina, hindi nga ito nakabalik sa pananghalian, pero dumating ito bago mag-alas tres ng hapon. Nagulat pa ako nang katukin ako nito mismo sa silid ko at sabihing aalis na nga raw kami.
Mabuti na lang at wala si Nickos. Kasama ito na Mama, at mamamasyal daw sa mall. Kasama nga dapat ako, kung hindi ko lang naisip na sinabi nga ni Aki na babalik ito sa hapon. Kaya't nagdahilan na lang ako kay Mama, at sinabing masakit ang ulo ko. Kinabahan pa nga ako nang sandali pa ako nitong tiniti
