"AYAW MO NG FOOD?" Mula sa katutusok ko ng ilang piraso ng karne at gulay sa plato ko, ay nag-angat ako ng tingin kay Aki, na sa akin pala nakatuon ang tingin, mula pa kanina.
Nang marahan akong umiling ay humugot ito ng malalim na paghinga.
"'Di ba, favorite mo 'yan?" May bahagya pa ring gatla sa noo, na tanong nitong muli sa akin.
Huminga ako ng malalim at laglag ang mga balikat na binitiwan ko ang tinidor na hawak ko, saka pagbagsak na isinandal ang likod ko sa back rest ng upuan.
"Love...?" untag muli sa akin ng asawa ko nang hindi ako kumibo at nakasimangot na nakatingin lang sa plato sa harap ko.
Bago ito umuwi kanina, mula sa opisina, ay tinawagan ako nito at sinabihang huwag nang magluto ng dinner, dahil may dala na raw itong pagkain. Binanggit pa nito isa-isa ang mga dalang p
