IPINADALA nga ako ni Tatiana sa San Vicente. May mag-asawa roon na siya raw bahala sa akin. Kakilala sila ni Tatiana at kung paano ito nakilala ni Tati ay hindi ko na inalam.
Pinatira nila ako sa isang bahay. Mag-isa lang akong maninirahan doon pero kung may kailangan daw ako ay nasa kabilang bahay lang naman daw ang mag-asawa.
San Vicente is a small place pero sagana sa yamang-dagat. Pangunahin nilang pinagkakakitaan dito at trabaho ay ang pangingisda at pangalawa ay ang magagandang beaches na dinadayo rin naman ng mga turista.
Ilang araw rin akong walang ginagawa dahil wala rin naman akong kakilala. Hindi rin naman ako friendly dahil mahiyain ako. Inalok ako ni Aling Josefa, ang babaeng nag-aalaga sa akin habang naririto sa San Vicente, na tumulong sa shop niya kung wala akong ginaga
