أحببت صعيديا

رؤيه أوضح

أحببت صعيديا ⁦ البارت الثاني

الاء:: انت مين يا خالتي تعالي شوفي المصايب دي

: في اي يا بنتي مروان تعالي يبني ده مروان ابني يا الاء

الاء : ابنك اي ده انا نسيت

مروان : ادخلي عاد

امه بصتله وهي مستغربه ابنها بيتكلم صعيدي وهو اوقات كتير بيتكلم عادي : اي يبني انت بتتكلم كده لي

مروان : عادي يا امي مش هي المجنونه

الاء بهجوم عليه : احترم نفسك يا اخ انت انا مجنونه لي يا اخويا

مروان برفع حاجب : اخوكي انتي نسيتي اني الدكتور بتاعك

الاء : ما انت بتتكلم طبيعي اهو ولي كنت بتتكلم كده النهارده

مروان :اوعي يا انسه من وشي يا حاج اخبارك ايه

: الحمدلله يبني بخير

الاء : انتوا از اي كده

مروان : كده ازاي يعني

الاء : كنتوا بتكلموني بلغه من شويه ودلوقتي عادي

مروان بلامبالاه عشان يغيظها : اسكتي دلوقتي

الاء : مش هسكت انت مجنون

مروان بتحذير مرح : انا بحذرك يبنتي ده انا الدكتور بتاعك

الاء بتحدي : مبتهددتش

مروان ورمي عليها المخده : غوري من وشي دلوقتي

طلعت الاء علي اوضتها وقاعدت فيها شويه وافتكرت أمها وأبوها واختها وقعدت تعيط اول مره تبعد عنهم كده بعد شويه الباب خبط مسحت دموعها وفتحت الباب ولقيت خالتها

الاء : نعم يا خالتي

: تعالي يا الاء عشان نتغدا سوا

الاء : لا يا خالتي مش عايزه

: ليه يا بنتي مش هتاكلي هزعل منك

الاء : مش عايزه اكل يا خالتي ومقدرش علي زعلك

خالتها بزعل : براحتك يا بنتي

" ونزلت تحت راحت ل ابنها وهي متضايقه

:انت يبني

مروان : نعم يا امي

: انت مش هتكبر ابدا

مروان بدهشه : ليه بس كده

: بنت خالتك زعلانه ومش عايزه تاكل

مروان : احنا هنتحايل عليها كمان إن شالله ما كلت

امه مستغربه طريقه ابنها : اي ده انت عمرك مكنت كده

مروان : عايزاني اعمل اي يا امي

: اطلع صالحها

مروان : لا مش طالع

: مروان بالله عليك لتصالحها

مروان : حاضر يا امي بس مش هصالحها

" طلع مروان الاوضه يتاعتها وخبط علي الباب والاء فتحتله وواضح انها كانت بتعيط

الاء : عايز اي

مروان بهزار : في حد يتكلم الدكتور بتاعه أكده برضوا

الاء : مش ناقصاك خالص

مروان بيكمل هزار : ما انتي يبت البندر متعوده علي أكده

الاء بعصبيه : انت عايز اي

مروان : اهدي بس بتعيطي لي وكمان متعصبه لي

الاء : مفيش

مروان : لا فيه زعلانه مني

الاء مردتش

مروان بلطف: طيب حقك عليا انا اسف يا ستي

الاء : متتاسفش

مروان بهزار : لع هتاسف عشان تعرفي يبت البندر احنا غيركم

الاء بضحك : انت قلبت تاني يعني

مروان : عشان تعرفي اني مختلف

الاء بسخريه و هزار : انت هتقولي المهم اي حكايه اللغه دي

مروان : زي مقولتلك انتي هبله

الاء حطت أيدها في وسطها : لي بقي يا اخويا

مروان : اخوكي يالهوي عليك وعلي هبتك البقت في التراب

الاء كانت بتضحك من قلبها

مروان :هحكيلك يا اختي

الاء : احكي

مروان : مش فاكره كلامك. الصبح لما جيتي اتكلمتي مع خالتك

الاء : اها فاكره

فلاش بااك

" اول ما جت الاء عند خالتها وبعد شويه

الاء : خالتي انالسه مقبلتش حد انتوا بتكلموا كده عادي

: از اي

الاء : يعني لغه صعيديه وكده

: لا يحببتي عادي في الوقت ده كان مروان نازل ولسه هتكلم لقاها مشيت علي الجامعه

بااااك

الاء : هو انا كنت غ*يه كده

مروان : اووي اووي

الاء : طيب كنت بتكلم كده لي

مروان : بهزر معاكي لما لقيتك غ*يه

الاء : متقولش غ*يه

مروان : وااه هتبجحي في الدكتور عاد

الاء بضحك : لا مقدرش طبعا

مروان : طيب يلا بينا ناكل

الاء : يلا بينا ونزله مع بعض وقعدوا كلوا وبعد الاكل مروان طلع اوضته وبعد شويه طلعت الاء وكانت بتذاكر ومش عارفه

الاء : يوووه بقي انا مش عارفه اذاكر سابت الكتب من ايديها ومسكت الموبيل واتصلت با أمها

الاء : السلام عليكم

: وعليكم السلام ازيك يا الاء يا بنتي

الاء : الحمدلله يا ماما هو بابا رجع من السفر

: لا يبنتي ده

الاء بحزن بتحاول تخفيه : لما يجي سلميلي عليه عشان بكلموا مش بيرد عليا

: حاضر يحبيبتي

الاء : اومال فين رنا

_اهي واجعه دماغي و عايزه تكلمك

_خلاص هاتي

بهزار _الوو اي يستا وحشتيني

_يستا ياا وانتي كمان

_مفتقداكي يا الاء

_وانا مفتقداكي جدا المهم روحتي الدروس

_اها بس المس بتاعت الأحياء دي رخمه

_لي بس دي طيبه

_طيبه اي دي عماله تضايقني طول الحصه

_يعني انتي بتسكتي

_لا طبعا

_عيب عليكي انا عرفاكي كويس

بهزار _صاحبي مش اخويا

_سرسجيه اوي

_حبيبي يا صاحبي انتي الراقي برضوا

_امشي يا بت

_انا هروح اذاكر بقي عايزه حاجه

_سلامتك يا قمر مع السلامه

: في رعايه الله

وقفلت السكه مع اختها و راحت طلعت نوت بوك و قلم و كتبت _محتاجه اسجل اول يوم هنا في قنا مش هنكر أن المكان لطيف و خالتي و ابنها و وجوزها لطاف بس ده ميمنعش اني مفتقده اهلي و نفسي اشوفهم جدا المكان كئيب من غيرهم حتي الجامعه لسه أول يوم و مش فاهمه حاجه يا تري الوضع هيفضل لحد امتي وهو كده ؟!

وبعد شويه طلعت البلكونه ووقفت تبص علي النجوم و سرحت هي بتحب النجوم اوي افتكرت وقفتها مع اختها و هزارها و هما بياكلوا ايس كريم و بيبصوا علي النجوم و البلكونه بتاعتهم فيها ورد كتير و اشكال كتيره قطع شرودها خبطت جاامد علي الباب طلعت تشوف مين اتخضت و

يتبع ٠٠٠٠