NAKARAMDAM ng pagkailang si Alondra nang pumasok sa lobby ng condo. Nakabantay kasi doon ang guwardiya na nag-escort sa kanila ni Micah sa presinto. “Good evening, Sir, Ma’am,” bati nito. “Mukhang okay na po kayong dalawa.”
“Good evening,” pormal lang na bati ni Micah at iginiya siya papuntang elevator.
Malisyoso ang tingin sa kanya ng guwardiya. “Sekretarya niya ako. Hindi ako prostitute!” protesta niya at sinimangutan ito. Tumalikod lang ang guwardiya at bumalik sa pwesto nito. Nakakainis talaga!
“Don’t mind them. Their opinion doesn’t matter.” Hinila siya ni Micah papasok ng elevator. “Hindi mo kailangang magpaliwanag sa kanila. Di naman sila nagpapasweldo sa ‘yo.”
“Kahit na. Ayoko pa ring may taong nag-iisip na bayaran akong babae kasi hindi naman ako ganoon,” giit niya. “Saka hin
