TAMIE
Kinabukasan ay tinotoo ko ang sinabi na sasama ako kay Rhann sa opisina pero pinauna ko siya dahil dadaan muna ako sa kapatid ko. Ang sabi niya ay before lunch dapat nasa opisina na ako para sabay kaming kumain ng lunch sa labas na kaagad ko naman sinang-ayunan. Parang date na rin kasi iyon.
Pagdating sa bahay ng mag-asawa ay nagpadala kaagad ako ng mensahe sa kanya at sinabing nasa bahay na ako ng kapatid niya. Bilin na rin niya iyon na mag-message kaagad ako kapag narito na ako. Ewan ko ba sa lalaking iyon kung bakit sobra ang pag-aalala sa akin kapag lumalabas ako. Pareho sila ni Lolo Ernel kaya palaging may nakabuntot sa akin kapag papasok ako sa school o kaya ay lalabas kasama ang mga kaklase ko.
“Ate Tamie!” Excited akong niyakap ni Tristan ng makita niya ako. “Nasaan po s
