“My bad, Sweetheart. I forgot to tell you na kasama sa lists si Mr. Delaser,” pahayag sa akin ni Juancho.
“Okay lang, Juancho. Nagulat lang ako dahil akala ko’y hindi siya imbitado lalo na at magkaaway kayo sa negosyo,” saad ko.
Hindi ako makatingin ng diretso kay Krypton dahil ang paalam ko’y uuwi ako sa probinsya namin. Pero, nandito naman ako sa party. Tiyak kong magagalit ‘yan mamaya, kaya kailangan ko nang ihanda ang sarili ko.
“Doon na tayo, Sweetheart at ipakikilala kita sa mga kaibigan ko,” pag–aya sa akin ni Juancho.
Hinapit nito ang baywang ko at huling–huli ko na nakatingin sa amin si Krypton, habang hawak nito ang glass wine. Iniwas ko na ang tingin ko sa kanya dahil kulang na lang ay magcrack ang hawak niyang baso.
Nilapitan namin ang mga bisita at isa–isang ipinakil
