مذكرات فتاة حزينه 2

1131 Words

“ مذكرات فتاه حزينه"٢ مازن: قفلت الاجنده ونمت من تعب الشغل "تانى يوم الصبح" مازن: صباح الخير يا ماما هو فين بابا ام مازن: نزل الشغل يا حبيبى روح صحى اخوك نايم زى الفسيخه جوه لو ماصحيش ادلق عليه مايه وراه كليه الجزمه ده معذبنى مازن بضحك:? حلوه فسيخه دى عليكى كلمات يا ماما غريبه والله هروح اصحيه ولا يهمك معتز: هاااااه فى حد يصحى بنآدم كدا غرقتنى مايه روح ياشيخ منك لله مازن: بطل زن وقوم البس وراك كليه مطلع عين امك ليه ياض قوووووم فز من السرير معتز بصوت هامس: ?ابو شكلك ياشيخ دا انتَ غتت مازن: بتبلطم تقول ايه ? معتز: ?ولا حاجه قاااايم اهه هروح الحمام ولا ده م***ع عالم تقصف العُمر مازن: سلااام يا ماما اتأخرت على الشغل عاوزه حاجه اجبها وانا راجع ام مازن: لا ياحبيبى تروح وترجع بالسلامه فى رعايه الله ^^^^^^ جاء وقت استراحه العمل مازن: جريت على الكافيه وانا بدعى ربنا اقابل نورسين يارب اشوفها وحشتنى اوى بالرغم انى عارف انها بتحب واحد تانى بس مش قادر اتحكم فى قلبى فضلت مستنى لغايه ما وقت البريك قرب يخلص قولت هروح اسأل الجرسون يمكن يفيدنى مازن: لو سمحت كنت عاوز اسأل عن واحده بتيجى دايماً هنا وبتقعد لوحدها تكتب فى اجنده الجرسون: اااه قصدك الانسه نورسين مازن: اسم الله عليك ايوه الانسه نورسين هى بقالها فتره مش بتيجى متعرفش ليه الجرسون: والله يافندم ماعرفش بس لو تحب حضرتك تقولى رساله اقولها ليها لم تيجى مفيش مانع مازن بتنهيده: لا شكراً بس هسيبلك رقمى لما تيجى فى اى وقت اتصل بيا اوكيه ومتخفش هظبطك? الجرسون: تحت امرك يا فندم انا فى الخدمه بعد اذن حضرتك ^^^^^ خلصت شغلى ورجعت البيت اتغديت وسحبت نفسي للاوضه بتاعتى وطلعت الاجنده مازن: وصلت لفين ياواد يا مازن ايوه لما كانت بتعيط على الحيوان? "ماكنتش مصدقه طلع بيحب واحده تانى طيب ليه بيهتم بيا بشكل ده ونظراته ليا قصده ايه منها شكله كان عاوز يتسلى علشان ينسى الهانم حبيبته... بس لا مش انا اللى يتسلى بيا يغور هو والحب اللى فى قلبى ليه.. امسحى دموعك يا نورسين ده مايستهلش ولا دمعه خساره فيه.. صحيت تانى يوم لقيت الاستاذ وليد مشرف عندنا فى البيت حاولت اتجاهله اكنى مش شايفاه وهو شاكله لاحظ ده.. طلعت البلكونه علشان انشر الغسيل فجأه سمعت صوته ورايا بيقولى مالك يا نورسين هو انا ضايقتك فى حاجه بتعاملينى كده ليه نورسين: من غير ما الف وابص ليه قولتله بتقول كده ليه هو انا ص*ر منى اى تصرف يخليك تقول كده وليد: طيب بصى عليا وانتِ بتكلمينى عطيانى ضهرك ليه حتى من باب الذوق نورسين: لفيت وبصتله بنظره فيها جمود وبارده ،نعم ادينى بصيتلك اتفضل اتكلم عاوز تقول ايه وليد: طيب فهمينى مالك انتِ لغايه امبارح كنتِ كويسه ايه اللى حصل خلاكى قالبه خلقتك عليا نورسين: لو سمحت يا وليد حاسب على كلامك ايه قالبه خلقتك دى ثم انا مش فاهمه انتَ عاوز ايه اتكلم على طول انا مش بحب اللف والدوران وليد: انتِ هتستعبطى عامله نفسك مش فاهمه ،بس ماشى انا يا ستى معجب بيكِ وعاوز اخطبك من عمى رأيك ايه نورسين: اسفه مش موافقه انتَ ابن عمى وبس بعد اذنك مسك ايدى وعيونه بتطلع شرار فى حد تانى فى حياتك قولتله لا ولو سمحت عيب كده سيب ايدى وجريت على اوضتى وقفلت الباب ورايا وانا مش مصدقه نفسي انى قولتله كده ..بقا معقول يقولى معجب بيكِ وعاوز اخطبك وانا اقوله لا شكلى اتجننت بس لا هو كداب مش بيحبنى ولا معجب ولا حاجه ده عاوزنى اكنى مُسكن علشان ينسى بيه حبه الاولانى بس انا مرضاش على نفسي ولا على كرامتى كدا.. جلست مساءا أمام مرآتها تهذب شعرها وتعقد ضفائرها تحتسي كوبا من الشاي وبينما تصنع ذلك اذ مر شريط الذكريات امامها فانسكبت دموعها وامتزجت مشاعرها بين الحزن والألم فاشتعل القلب حزنا وامتدت لجسدها الذي بدا باردا متجردا من الدماء * تلك الفتاة التى طالما حلمت بالارتباط بفتى احلامها ابن العم ليكون الصاحب والحبيب تربط بينهما رباط الزواج انف**ت عراها وسارعت للفرار من بين طيات احلامها تاركة قلبها خالى الوفاض من ثمة مشاعر نبيلة تجاهه فقد خاب وخسر كل من جاء على مشاعر انثى ودمر احلامها الوردية "بعد سنتين" بقيت فى تانيه كليه اداب فرنساوى ووليد اتخرج من الكليه وبيشتغل كمان فى شركه هندسيه والعلاقه ما بينا فى حدود القرابه بس ، مع انى كل ما بشوفه قلبى يفضل يدق جامد اكنه هيطلع من مكانه وفى يوم بابا كان بينادى عليا وبيقولى تعالى يا نورسين ياحبيتى عاوزك فى موضوع مهم متقدملك عريس هو دكتور محترم اوى شافك فى فرح منال جارتنا واعجب بيكِ وطلب ايد*ك منى بس قبل ماتقولى حاجه هتقعدى معاه ولو ما حصلش قبول ماحدش هيغصبك على حاجه نورسين: بس يا بابا انا لسه بدرس فى الكليه هتجوز ازاى بس ابو نورسين: يا حبيبتى ومين قال هتتجوزى دلوقتى دى مجرد خطوبه والجواز بعد ماتتخرجى ان شاء الله نورسين: ماشى يا بابا اللى تشوفه وفعلا قابلت العريس واتكلمنا سوا هو كويس بس محستش تجاهه بأى مشاعر بس للاسف اللى مرضتهوش على نفسي رضيته على غيرى وقررت استغل الدكتور كريم واعتبره مُسكن انسى بيه وليد وبعد ٦ شهور خطوبه مقدرتش استغل كريم اكتر من كده هو مايستهلش ده منى وقررت احكيله عن مشاعرى تجاه وليد نورسين: كريم انا كنت مخبيه عنك حاجه بس اسمعنى للاخر لو سمحت ااانا كنت بحب ابن عمى وليد بس والله عمرى ما اتخطيت حدودى مجرد مشاعر مش عارفه اتحكم فيها وانا اسفه انى استغليتك علشان انساه كريم: ولغايه دلوقتى بتحبيه نورسين: بجد مش عارفه كريم: انا بجد حبيتك وعلشان كدا هديلك فرصه لاخر السنه دى لو ماحبتنيش خلاص مش هفرض عليكِ نفسي اتفقنا نورسين بتعجب لتفهمه: موافقه طبعا كريم بجد انسان مايتعوضش ولقيت نفسي مع الايام بنجذب ليه وفى يوم عرفت ان وليد هيخطب اخر الاسبوع مش عارفه ليه قلبى وجعنى انا مش عارفه ليه لغايه دلوقتى مش قادره اتخلص من حبه ده وباء مرض خبيث اتمكن من قلبى ومش قادره اشفى منه طبعاً لبست اشيك فستان عندى وحطيت مكياج يبرز جمالى وجزمه بكعب عالى وكنت فى غايه الجمال طبعا كريم اخد باله باهتمامى الزياده عن اللزوم بنفسي فى خطوبه وليد ودخلت مع كريم لحفله الخطوبه بس للاسف مقدرتش اتحمل اشوف وليد جنب واحده تانيه غيرى غصب عنى دموعى نزلت وحاولت اخفيها بس بعد فوات الاوان كريم اخد باله من دموعى وبص ليا حتت بصه لغايه دلوقتى مش قادره انساها حسيت انى خزلته وقبل ماتنتهى الحفله لقيت كريم سحبنى وراه وخرج بيا من الحفله ووقفنا على جنب وبصوت كله ان**ار قالى كريم: لييييه مش لما كلمتك انا قولتى نستيه ،دمعتى ليه وعنيكى نسيتنى هنا وجريت عليه ونسيتى اخلاصى ووفائى وجرحتى قلبى وكبريائى لما انتِ لسه بتعش*يه ليه تجرحينى كان ذنبى ايييه نورسين بعياط:? انا اسفه والله غصب عنى انا بجد بحبك مقصدتش اجرحك كريم: ولا كلمه انتِ بتضحكى عليا ولا على نفسك انتِ مش بتحبينى كان تعبيرك صح انا مجرد مُسكن علشان تنسيه انا اسف مش هقدر اكمل معاكِ ربنا يوفقك سلام نورهان بانهيار:? استنى يا كريم ماتمشيش ماتتخلاش عنى تانى يوم الصبح صحيت على خبر مفزع لدرجه الانهيار? كرررريم عمل حادثه ومات بعد ما سبنى امبارح يعنى انا السبب فى موته مش قادره اسامح نفسي? ********يتبع .... .. Elbanota gege

Free reading for new users

Scan code to download app

App Store Google Play

Facebookexpand_more