Leydell
NAGSAMPA kami ng kaso kay Jenna noong nakaraang buwan na siyang itinanggi niya. Dumaan ito sa mahabang proseso bago ang aming paghaharap. Mabuti na lang at nakuha namin ang lahat ng ebidensiya kaya wala siyang mailulusot sa kanyang ginawa.
Ngayong araw ay maghaharap kami ni Jenna sa Office of the City Prosecutor para sa imbestigasyon at mga katanungan. Kasama ni Cameron ang ina ni Zenon sa kanilang tirahan kaya hindi ako masyadong nag-alala. Nakita ko si Jenna at ang kanyang asawa na naroon na sa tapat ng opisina nang dumating kami.
Nagtaas ang kanyang kilay at ramdam ko ang galit niya para sa akin. Alam ko na hindi niya inaasahan na matapos ang ilang taon ay bigla namin siyang idedemanda ni Zenon. Ang inaasahan niya ay reklamo ni Zenon, ngunit hindi niya inaasahan ang reklam
