Leydell
KASALUKUYAN na mainit ang usapan sa loob ng isa sa mga opisina ng prosecutor. Nasa paunang imbestigasyon kami ni Zenon laban kay Jenna.
“Mr. Zamora, maaari mo bang ipaliwanag ang naganap. Ikaw ba ang nagmamaneho ng sasakyan?” tanong ng hukom sa daddy ni Zenon.
“Yes,” diretso nitong sagot habang diretso din na nakahinang ang mata sa babae.
“Kung ganoon, bakit isinisisi n’yo kay Ms. Jennalyn Robredo ang naganap na ‘yon? Isa pa, hindi ba’t hit-and-run ang ginawa mong iyon kay Ms. Leydell Quejada? Tinakbuhan mo siya dahil natatakot ka sa consequences.”
“Iyon ang dahilan, your honor, kaya ako tumakbo at iniwasan na lapitan si Leydell. Natakot ako dahil ako ang driver noong gabing ‘yon. Handa akong harapin ang kaparusahan na ibibigay sa akin ng batas. Ngunit katulad ng napanoo
