"Can we talk, Amanda," saad sa kanya ni Kian nang makauwi na sila sa bahay galing sa bahay ng mga magulang nito.
Matapos niyang maibigay ang kanyang sagot kanina, agad na rin siyang nagyayang umuwi pa. Dahil alam niyang sila naman ng asawa ang dapat mag-usap. Nagustuan ng Daddy niya ang pagpayag nito na magtungo sa New York at doon muna manatili habang dinidinig pa ang kaso ni Vice Governor. Nabanggit pa nga sa kanya ng ama na nagsisisi ito at si Kian ang napili nito para sa kanya. Buti na lang at sa kanya lang sinabi ng ama ang tungkol doon. Tiyak kasi niyang masasaktan si Kian pag nalaman ang tungkol doon.
Hindi pa nga niya nakakausap ang ama tungkol sa kung ano ang dahilan nito at nagmakaawa ito kay Kian para pakasalan siya, ay nagsisisi na ito agad ngayon.
"I agreed, Kian. We need t
