KAGAT-KAGAT ko ang ibabang labi habang naka-angat ang tingin kay Yohann. Hindi ko man nakikita ang sariling mukha, ngunit sigurado akong parang nagniningning ang mga mata ko ngayon habang pinagmamasdan siya nang ganito kalapit.
Kanina pa nagpaalam ang matandang mag-asawa na natutulog na, kaya kami ni Yohann ay nagtungo na rin sa kwarto niya para matulog. Ngunit hanggang ngayon ay nananatili kaming gising habang magkayakap sa kama niya.
Inangat ko ang kamay sa ere at dinala ito sa pisngi ni Yohann. Kagat-kagat ko pa rin ang sariling labi nang marahan ko itong haplusin.
Hindi ko alam kung anong ginawa sa akin ni Yohann kung bakit ako nagkakaganito. Pakiramdam ko, sa aming dalawa ay ako ang pinakabaliw sa kanya. Dahil kahit ang titigan lang ang gwapo at maamo niyang mukha ay sapat na para
