Lihim na sumimangot si Linda. Mabilis niya tinapos ang pagkain. Lumapit naman si Mindy at binigay ang tatlong tablet ng gamot sa kanya.
“Para saan naman ito?” tanong ni Linda.
“Para saan paba edi sa baby. Mamayang gabi ay dalawa na lang ang iinumin mo,” tugon ni Mindy. Ininom naman ito ni Linda tapos ay kinuha na ni Mindy ang tray at lumabas. Palihim niya kaninang nilgayan ng hidden camera ang kwarto ni Linda dahil gustong malaman kung ano ang gagawin nito.
Kinuha ni Linda ang cellphone at tinawagan si Sisa. Kailangan niya ng plano para mapaalis sila Mindy at Miele sa bahay na iyon.
“Hello? Sisa? Tulungan mo ako!” mahinang sabi ni Linda.
“Oh bakit napano ka?” ani Sisa.
“Masisira ang plano ko!” inis na sabi ni Linda.
“Bakit?”
“Merong katulong at alalay na kinuha yung mag-asawa! Mukh
