07: Isn't That Enough
BETTY
"Kumusta si Milley?" tanong ni Auntie nang makapasok ako sa kusina.
"Medyo mataas pa rin po ang lagnat."
Hindi ko na nga rin siya iniwan kagabi, binantayan ko siya. May pumunta naman ng doctor kanina upang tingnan siya, sa ngayon ay may nakakabit sa kaniyang IV fluid para naman kahit sa gano'n ay lumakas siya. Hindi rin kasi siya masyadong nakakakain dahil masakit din ang lalamunan niya. Ayoko mang sisihin ang sarili ko, hindi ko naman mapigilan — kinunsinti ko ba naman siya sa pagkain ng ice cream.
"Tulog po siya ngayon, pero hindi pa rin po siya makakain ng maayos."
Tinapik ni Auntie ang aking balikat, tila ba alam niya na frustrated ako.
"Huwag mong masyadong isipin ang nangyayari kay Milley. Sadyang mabilis lang talaga siyang magkasakit."
"Eh Auntie
