“V-Vivianna?”
Kita ko sa kaniyang mukha ang pagkagulat nang makita ako. Inalis ko na rin ang wig na suot ko ngayon at saka malamig siyang tiningnan. Napangisi ako nang pa-sarkastiko. “Ah, wala ka pa lang girlfriend? Sige. Give me an acceptable reason kung bakit ginagawa mo ang trabaho na ‘to. Bukod sa kailangan mo ng pera,” sambit ko sa kaniya.
Napatayo naman siya at napalayo sa akin dahil sa gulat. Napahawak siya sa kaniyang ulo. Ngayon ko lang siya nakita na ganito kung umakto. Halatang ‘di niya inaasahan na makikita niya ako ngayon dito. Tumayo rin ako at humarap sa kaniya. Hindi na siya mapakali ngayon sa harapan ko at tila ba nawala na siya sa sarili niyang katinuan. Hinawakan ko ang magkabilang balikat niya para pigilan siya sa paggalaw.
“Talk to me, Enrique! Kailangan ko ng sa
