[ENRIQUE MORALES’ P.O.V.]
Pumasok na ako sa restaurant kung nasaan naroon ang mga kaibigan ni Vivianna. Sobra-sobra ang kaba ko ngayon. Partida ay hindi pa mga kaibigan ni Vivianna ang kakaharapin at kakausapin ko ngayon, pero ito ako at sobra nang kinakabahan. Paano pa kaya kapag mga magulang na ni Vivianna ang kailangan kong kausapin? Baka mamawis na ako ng sobra.
Nakita ko ang gulat sa kanilang mga mata nang makita ako na papasok sa loob ng restaurant. Matagal na panahon ko rin silang hindi nakita at nakausap. Kahit papaano naman ay naging close ako sa kanila noong nasa relasyon kami ni Vivianna. Dahil alam ko na sobra ang suporta nila sa aming dalawa. Hindi ko na lang alam ngayon kung magagawa pa rin ba nila kaming suportahan. Oh… Mali pala ang naisip ko. Dapat pala ay hindi ko ala
