-- 24-HOUR DATE CHALLENGE --
"Ang unang destination natin ay kung saan tayo unang kumain noong nagsisimula na tayong mag-usap," sambit naman ni Enrique sa akin. Agad kong naalala kung saan ang lugar na tinutukoy niya. "Oh! Tanda ko pa ang lugar na 'yon. Grabe, ang tagal na rin noong huli tayong nagpunta roon, ah?" sagot ko habang inaalala ang mga araw na kumakain pa kami roon.
"Yes. Naalala ko lang ulit lately ang lugar na 'yon. Sakto na masarap din ang simoy ng hangin doon kapag umaga. Kaya doon muna tayo magbe-breakfast," sagot niya rin sa akin.
Na-excite naman agad ako nang marinig ko ang sinabi niya na 'yon. Hindi rin nagtagal ay nakarating na kami roon. Medyo tahimik pa ang lugar. Pero may iilan na ring mga tao ang naroon ngayon. Mga kumakain ng umagahan. Alas-sais na ng umaga ka
