Malakas na naitulak ni Avery si Red nang makarinig ng sunod-sunod na pagtunog ng kanilang doorbell. Nagkatinginan muna ang mag-asawa dahil wala naman silang inaasahan na bisita bago humakbang si Avery palabas ng kusina. Nagtuloy-tuloy siya na maglakad patungo sa gilid ng pinto kung nasaan ang monitor para sa camera sa labas habang sandali naman na naiwan si Red sa kitchen para patayin ang stove.
“Sino ‘yan?” tanong ni Red nang makalapit ito kay Avery. Huminga muna siya ng malalim bago hinarap ang asawa at seryoso ito na tinignan.
“Atty Kenneth Ruiz,” wika ni Avery. Tumango naman si Red at ito na ang lumabas ng pinto at nagtungo sa gate para buksan iyon.
Nanatili na nakatayo doon si Avery at tinanaw ang asawa niya na kinakausap ang binatang abogado. Malakas ang kutob niya
