BHELLE:
MALALAKI ang hakbang na lumabas ako ng unit. Gulong-gulo ang isipan ko at hindi na malaman kung anong gagawin. Bahala na kung saan ako pupulutin nito. Ang gusto ko na lamang ngayon ay makalayo kay Tyrone at kalimutan na ang punyetang pagmamahal ko dito.
Durog na durog ang puso ko. Parang basang sisiw na humahagulhol na naglalakad sa gilid ng kalsada. Hindi malaman kung saan pupunta. Pero saglit lang ay may maskuladong bisig ang kumabig sa baywang ko at mahigpit akong ikinulong sa kanyang bisig. Nanigas ako na hindi makakilos.
Kahit hindi ko siya lingunin ay kabisado ko ang prehensya at pabango nito. Sumubsob siya sa balikat ko na napahagulhol. Tuluyang bumigay ang nangangatog kong tuhod at napahagulhol na rin. Siya namang pagbagsak ng malakas na ulan pero nanatiling nakayakap l
