BHELLE:
TAHIMIK ako habang nakasakay sa kotse nito. Naka-pokerface lang naman ito na sa daan nakatutok ang paningin. Tahimik lang din kaya kahit ang sulyapan siya ay hindi ko magawa. Kinakabahan ako lalo na't ibang-iba na siya sa Tyrone na minahal at nakilala ko. Kaya naman hindi ko maiwasang makadama ng pangamba sa kung anong plano nito.
One hundred thousand din ang utang ko sa kanya. At kahit gusto ko ng makatakas sa kanya ay hindi ko naman alam kung saan hahagilapin sa isang kisap mata lang ang isangdaang libong piso na hiniram ko mula dito. Naubos na rin kasi ang savings ko sa kakapadala sa probinsya para sa mga kailangan ni Tanner.
Nangilid ang luha ko na maalala ang sitwasyon ng pamilya ko sa probinsya. Ang hirap maging isang mahirap. Lalo na't may batang involved. Maraming pang
